Мумифицираните остатоци од Питер Винструп, бискуп од Лунд, се едни од најдобро зачуваните во цела Европа. Сепак, оваа мумија, која датира од 17-от век, крие една тајна поради која стана мошне интересна за научниците.
Скенирањата на ковчегот покажаа дека под нозете на бискупот е скриен фетус, за кој се шпекулира дека е од некој роднина.
Можно е и фетусот да бил скриен во ковчегот на бискупот од страна на некој член од неговиот персонал со цел да се сокрие нечиј абортус.
При скенирањето на трупот е забележано и дека за разлика од тогашната практика на вадење на органите, кај оваа мумијата сите органи се уште се наоѓаат на своето место. Бискупот починал на 74 години и во својот животен век имал проблеми со срцето и со артритисот.
-Можеби постои врска помеѓу Винструп и ова дете. За сега само можеме да претпоставуваме дали фетусот е негов роднина или пак некој ја искористил можноста додека го приготвувал ковчегот. Се надеваме дека ДНК тестот ќе ја разреши оваа дилема, вели Пер Карстен, директор на историскиот музеј при универзитетот Лунд.
Бискупот Винструп е роден во 1605-та,а починал во 1679-та. Бил познат како бискуп од Лунд во Сканија каде бил под контролата на данската империја и кралството Шведска.