Звучи премногу добро за да биде вистина, но...
Кинеските научници веруваат дека откриле начин за да се направи пиво и други видови на алкохолни пијалаци кои би биле добри за здравјето на луѓето и нема да прават штета.
Наодите до кои дошле научниците, а кои беа објавени од неколку светски познати магазини за медицина откриваат дека може алкохолот да се претвори во гликоген наместо во масти.
Експериментот кој беше спроведен на глувци покажа дека се уништиле мастите во црниот дроб на животните.
- Нашите откритија фрлија едно нова светлина врз пиењето и неговите ефекти. Тоа може да доведе до развој на нови лекови кои можат да ги намалат негативните здравствени ефекти на алкохолот, изјави Чен Јан, научникот кој го предводеше истражувањето и додаде: Време е да се направат некои промени внатре во нашето тело за да мастите ги претвориме во гликоген.
Тој објаснува како мастите испуштаат т.н. валкана енергија кога согоруваат, нешто како јаглен.
Тимот на професорот Чен најде дека зајакнувањето на генот PPP1r3G кај стаорците може да влијае врз мастите во црниот дроб.
Ова би можело да биде направено со развој на една пилула.
Сепак, мора да постои доза на претпазливост бидејќи досега експеримент беше спроведен само на глувци.