Резултатите од 79 клинички испитувања покажуваат дека терапевтските својства на марихуаната се ограничени и несигурни во зависност од симптомите. Анализата од испитувањата, спроведени на 6.500 учесници, покажуваат дека билката која содржи психоактивна супстанца, е поврзана со променливо подобрување на симптомите, но ниедно клиничко испитување не успева да го докаже тоа статистички.
Авторите кои учествувале во испитувањата заклучиле дека канабиноидите може да бидат делотворни во лечењето на хронични невропатски болки и грчеви предизвикани од склероза. Исто така, сметаат дека постојат многу малку докази дека марихуаната може да им помогне на пациентите болни од рак кои имаат мачнина и повраќање поради хемотерапијата, како и личностите кои патат од несоница.
Кога се работи за напнатост и депресија, не е забележано никакво подобрување.
Истражувањето покажува и зголемен ризик од некои несакани појави, па и тешки, меѓу кои најчесто се вртоглавици, сува уста, мачнина, замор, поспаност, еуфорија, повраќање, дезориентираност, губење на рамнотежа и халуцинации.
- Потребни се темелни клинички испитувања со цел да се потврди ефектот на канабиноидот и додатни истражувања поради проценка на самата билка со оглед на тоа дека нема многу научни информации за нејзиното делување, истакнуваат авторите.