Во зависност од вашата перспектива играњето со гените за да се создадат таканаречени дизајнирани бебиња може да биде исполнување на сонот или пак кошмар. Со неколку промени во геномот определени болести, вклучувајќи ги и оние што не се генетички лесно ќе станат минато. На овој начин би се создала новата генерација на луѓе кои имаат помал ризик од болести и екстра силни коски.
Кинеските научници веќе користеа направа наречена CRISPR за да променат човечките ембриони. Иако технологијата е во рана фаза, мошне веројатно е дека во блиска иднина ќе можеме да создаваме генетски модифицирани луѓе.
Од тука се поставува прашањето дали е морално и етички човекот да си игра бог експериментирајќи со гените.
-Овие избори ќе станат неминовен дел од нашето секојдневие и најверојатно мошне брзо ќе бидат прифатени од луѓето, вели доктор Џејмс Хјуз, од Тинити колеџот во Лондон.
Ако контрацепцијата се користи за луѓето да можат да изберат кога ќе имаат деца, тогаш и модификацијата на гените на некој начин е избор со кој родителите ќе решат дали нивните деца ќе бидат здрави или ќе боледуваат од некоја болест.
-Веќе одамна знаеме дека луѓето не треба да се стерилизираат или на друг начин да се спречуваат да имаат деца. Сето тоа е дел од универзално и распространето верување дека луѓето имаат право да ги контролираат своите тела како и околностите на својата репродукција, додава тој.