Чувањето на пари под кревет или пак на таван е тренд што по сè изгледа датира далеку порано од што првично се претпоставуваше.
Археолозите направија реконструкција на таванот на Партенонот во Атина за кој веруваат дека во минатото криел големо количество на богатство.
Првичната претпоставка е дека во овој простор некогаш имало околу 260 тони злато и сребро. Тимот на археолози дојде до ова откритие преку реконструирање на големината на таванот според античките регистри како и преку прегледување на археолошката работа низ декадите.
Според податоците подот на таванот бил три пати поголем од тениско игралиште со димензии од 19 метри во ширина и 50 метри во должина. Дел од скалилата кои водат до овој дел од Партенонот се уште постојат. Се верува дека богатството било складирано во таванот во периодот околу 434 п.н.е кога Партенонот и бил посветен на божицата Атина.
-Таванот на Партенонот е најсоодветно место за чување на големо количество монети. Иако не ја исклучуваме можноста дека дел од богатството било чувано во повеќе различни згради, таванот сепак останува најбезбедното место за чување, вели професорот Спенсет Поуп од универзитетот во Хамилтон.