Меѓу неколку илјади штетни состојки кои се наоѓаат во димот на цигарата, никотинот е главниот виновник за создавањето на зависноста, поради што на сите пушачи им е тешко да се ослободат од таа лоша навика.
Во научниот труд објавен во публикацијата Journal of the American Chemical Society, научниците ги опишаа тестовите кои се изведени врз глувци, и кои ја користеле бактеријата под назив Pseudomonas putida, која живее во земјата на полињата со тутун и која му е на никотинот главна исхрана.
Во текот на тестовите, научниците откриле дека бактеријата го создава NicA2 ензимот, кој од крвта на глувците го отстранува никотинот за само 15 минути.
Ова откритие би можело да помогне во борбата против зависноста од пушењето, бидејќи со користење на бактеријата или синтетички произведениот ензим во посебни лекови, кај луѓето би можел да ја поништи потребата за цигари која ја создава никотинот и со тоа да им помогне полесно да се откажат.
Во следната фаза на тестирањето, научниците ќе се посветат токму на истражувањето на луѓето (пушачи), за да откријат дали бактеријата навистина може да ги ослободи од никотинската зависност и да ги натера да престанат да пушат.