Научниците утврдиле како мувите пренесуваат бактерии, а тоа го прават најчесто оние видови кои постојано ги гледаме во нашите домови.
Науката вели дека мувите се хранат со некои од најодвратните работи кои можете да си ги замислите – измет, ѓубре, лешови... При тоа, тие не можат да ја џвакаат храната, па за да можат истата да ја внесат во себе, на неа плукаат ензими кои ја разградуваат и им помагаат потоа да ја „испијат“.
Бактериите и вирусите кои ќе се залепат на нивните тела се одговорни за пренос на болести од кои луѓето заболуваат, а не од нивните „плуканици“.
Потребно е да ви ја допрат храната само на секунда, за да се пренесат бактериите на вашиот оброк. Бидејќи мувите пренесуваат и сериозни заразни болести, како што се колерата, дизентерија и тифус, најдобро е никако да не ја јадете храната на која слетала мува.