Редок метеоролошки феномен го зафати небото над Тихиот океан откако истовремено беа формирани 3 урагани од 4-та категорија.
Ова е прв пат во историјата да бидат забележани толку урагани на исто место со разорна моќ што може да уништи сè пред себе.
Ураганите Игнацио, Кило и Јимена викендов беа забележани од страна на НАСА и астронаутите на Интернационалната вселенска станица кои објавија импресивни фотографии од појавата.
Метеоролозите веруваат дека појавата на сите три урагани во исто време се должи на Ел Нињо глобалниот океанско-атмосферски феномен.
Во моментот ураганот Игнацио ја намалува својата брзина и ќе премине во тропска бура додека Јимена и понатаму е ураган од 4-та категорија. Кило полека се смирува и не преставува поголема опасност бидејќи е далеку од копното.