Кодираните пораки кои се користат на планетата Земја можеби се премногу комплексни за да се пренесуваат низ Вселената и да дојдат до вонземјаните.
Едвард Сноуден, кој во моментот се крие некаде во Русија, преку видео разговор имаше интервју со Нил деГрас Тајсон каде зачнаа неколку интересни теми, меѓу кои и онаа за вонземјаните.
Запрашан што мисли за кодирањето на пораките во вселената, Сноуден одговори:
-Само во мал дел од развојот на општество на вонземјаните целта комуникација би била испраќана на најпримитивен и незаштитен начин. Ако навистина постојат вонземјани, целата комуникација по правило е шифрирана.
Тој верува дека вонземјаните се мошне паметни, па веќе шифрираат сè што прават.
-Ако се е шифрирано на правилен начин, нема начин како ние би дознале дека нештата се шифрирани. Не можеш да разликуваш шифрирана комуникација од нормалното однесување, додава тој.
Изјавата на поранешниот аналитичар на ЦИА, предизвика голем интерес поради тоа што тој е човекот кој во 2013-та ги откри доверливите информации на Американската агенција за безбедност. Дали можеби Сноуден навести дека вонземјаните се веќе тука?