Дали бактеријата пронајдена во Сибир е лекот против стареењето?
Рускиот научник Анатолиј Броучков реши да ја спроведе својата теорија на дело инјектирајќи се себе си со 3,5 милиони години стара бактерија за која тој и неговиот тим на научници веруваат дека е клучот на вечниот живот.
-Не станува збор за класичен тип на научен експерименти, па затоа не можам целосно да ги опишам ефектите. Сепак, забележав дека не сум настинал 2 години. Можеби има споредни ефекти, но за тоа ќе биде потребна специјална медицинска опрема за да се забележат, вели Броучков и додава дека научниците и понатаму ќе прават најразлични експерименти со цел да го откријат механизмот на кој што функционира бактеријата.
Бактеријата била пронајдена уште во 2009-та на таканаречената Мамут планина и во моментов се тестира на глувци.
-Оваа батерија во текот на целиот живот обезбедува активни биолошки супстанции кои го стимулираат имунолошкиот систем. Старите глувци стануваат поактивни, па дури и имаат младенчиња, вели епидемиологот Виктор Черњавски.
Во сите експерименти Bacillus F го стимулираше растот и го зајакна имунолошкиот систем, додава доктор Сергеј Петров од Истражувачкиот центар Тјумен во Сибир.
Научниците допрва треба да дознаат што е она што го оневозможува стареењето кај бактеријата и како истото може да се искористи за да му се помогне на човекот.