Замислете да влезете во автомобилот на вашиот пријател, па ја слушате неговата омилена песна, а вас ритамот ви изгледа како да чукаат стотици тенџериња и тави. Токму тоа им се случува на 4% од светската популација, кои немаат слух за музика или состојба познат како вродена амузија.
Луѓето кои патат од оваа состојба не може да ги распознаат високите и ниските тонови, бидејќи сите им се во еден тон. Да кажеме дека го слушате вашиот сосед како свири на пијано, но не можете да ги распознаете тоновите.
Марион Косино е истражувачка во меѓународна лабораторија на универзитетот во Монтреал и поминала години работејќи со луѓе кои патат од амузија, со цел да дознае како тие ја слушаат музиката. Секоја личност со која зборувала, ја опишува состојбата различно.
Додека некои луѓе слушаат тропот од тенџериња и тави, други може да сметаат дека слушаат нешто навистина убаво. Во лабораторијата тие откриваат дали некој има амузија со помош на тест.
- Дојде еден новинар кој сакаше да пишува статија за амузијата. Тој беше луд по музика и често одеше на концерти. Сакаше да се тестира и откако го направи тестот, откри дека е амузичен, изјави Марион.
Со други зборови, амузичните личности ја слушаат музиката мошне различно.
а. Мозочна активност на некој кој слуша нормално
b. Мозочна активност на амузична личност
Сепак, се уште не е познато што ја предизвикува амузијата. Научниците се обидуваат да дојдат до одговор, а до сега имаат откриено дека е генетски наследна.