Пирамидите во Гиза се едни од најимпресивните градби во светот најмногу поради нивната големина и начинот на кој што се градени.
Деновиве истите повторно се предмет на расправа во научната јавност откако по двонеделно термално скенирање се забележани аномалии во градбата.
Во таканаречената Кеопсова пирамида скенерите покажале дека кај три од камењата во основата е евидентирана поголема температура од онаа кај другите камења.
- Првиот ред на камења се униформирани, но понатаму се забележуваат разлики во температурата, велат од министерството за антиквитети.
Снимките покажуваат дека постои нешто што наликува на мал премин во земјата што води кон основата на пирамидата и доаѓа до делот каде што е забележана поголема температура.
При скенирањето се забележани и аномалии во горниот дел од пирамидата што допрва треба да бидат анализирани.