Им завидувате на другите, немате социјален живот, не можете да се концентрирате?
Сето тоа може да биде последица на Facebook, предупредуваат данските научници, кои тврдат дека луѓето што поминале една недела без оваа мрежа покажале завидно ниво на среќа.
Испитаниците биле поделени во две групи, од кои едната продолжила да го користи Facebook, додека од другите било побарано да се воздржат од тоа една недела.
По таа недела, испитаниците кои не го користеле Facebook изјавиле дека се задоволни од својот живот. 88% од нив кажале дека се чувствуваат среќно, додека тоа исто чувство го делеле 81% од другата група.
Дека уживаат во животот изјавиле 84% од оние кои апстинирале од FB, односно 75% од зависниците од социјалната мрежа.
Дека не се задоволни од својот живот изјавиле се на се 12% од луѓето кои не го користеле Facebook, односно 20% од оние кои и понатаму се логирале секој ден.
На крајот на експериментот, оние кои не биле една недела на Facebook изјавиле дека имале побогат социјален живот и помалку проблеми со концентрацијата, додека другите рекле дека не забележале никакви промени.
Корисниците на Facebook имаат 39% повеќе изгледи да не се чувствуваат среќно за разлика од луѓето кои не ја користат оваа мрежа, истакнуваат научниците.