Ако звукот на нечие џвакање или шмукање ве ужаснува, можно е да поседувате нарушување кое се дијагностицира како мизофонија, односно потенцирана чувствителност на одредени звуци.
Приклучувањето на „несреќните“ 20 проценти од населението кои го поседуваат ова нарушување можеби и не е најдоброто нешто што може да ви се случи, но сепак има добри вести за оние кои го поседуваат.
Научниците од Northwestern University кои го спровеле истражувањето откриле дека луѓето кои се хиперсензитивни на одредени звуци имаат тенденција да бидат покреативни од оние кои не се. Истражувањето покажало дека луѓето кои се почувствителни на звуци имаат поголеми шанси да постигнат подобри резултати на тестовите кои ја опфаќаат човековата креативност.
Следниот пат кога ќе седнете до некој кој гласно го џвака својот оброк, наместо да се нервирате, сетете се дека припаѓате на една привилегирана група на креативни гении.