Непрофитната организација Modern Agriculture Foundation (MAF) од Израел, во приватно финансирана студија која треба да биде завршена до јануари 2016-та, работи на изработка на месо од кокошка исклучиво во лабораториски услови – се работи за 100% месен производ, а не негова синтетичка замена.
Овој процес на производство на месо би започнал со инкубирање на матичните клетки (земени од кокошка со сосема безболни методи) во средина полна со хранливи состојки кои им помагаат на клетките да растат и се раздвојуваат. Потоа, со помош на разни технолошки помагала и стимуланси, овие клетки би формирале тенок слој од мускулно ткиво, т.е месо (идентично на она од пилешките гради), кое има идентичен вкус и нутритивна вредност како и месото од животните ( во поглед на протеини, амино-киселини и сл.). Добрата страна е што ова месо ќе биде поздраво од „обичното„ бидејќи ќе може да му се контролира количеството на холестерол и маснотии.
Целта на нивното истражување е да се овозможи комерцијална изработка на вакво месо, а првенствено да се убеди јавноста дека се работи за вистинско месо, а не негова вештачка/синтетичка замена (како кај некои други слични експерименти)