Легендата на Неси што со години е актуелна приказна за Лох Нес изгледа конечно ќе добие научна разврска.
Поранешен рибар, Кит Стујарт (43), случајно успеа да открие огромна пукнатина во езерото што досега не била забележана. Неговата најсовремена сонарна опрема детектирала дупка со длабочина од околу 275 метри доволна голема да биде засолниште на митското суштество.
Досега се веруваше дека најголемата длабочина на езерото изнесува 247 метри, но опремата на Стујарт покажува дека во суштина станува збор за поголема длабочина.
-Порано не сум верувал во чудовишта. Но, пред 2 недели здогледав сонарна снимка на нешто што наликува на долг објект со грпка на дното од езерото. Не беше таму кога го скенирав местото по втор пат, вели тој.
Иако ова не го потврдува постоењето на Неси, фрла сенка врз сите досегашни истражувања и дава нова надеж дека езерското дно крие уште еден дел од мозаикот за суштеството.