Истражувачи од одделот за биохемија и биофизика на College of Science од Oregon State University успеале да го стопираат прогресот на ALS (Amyotrophic lateral sclerosis), т.е Лу Гериговата болест кај глувци, во период од скоро 2 години.
Студијата била вршена врз тип на глувци за кои истражувачите веруваат дека имаат најслични реакции на човечките во однос на ALS третманот. Вообичаено, глувците кои не примале третман умирале за 2 недели, додека оние на кои бил тестиран третманот живееле повеќе од 650 дена.
ALS е идентификувана во доцните 1800-ти како прогресивна и фатална невродегенеративна болест (предизвикана од распаѓање и изумирање на моторните неврони во рбетниот столб), која интернационално препознатлива станала во 1939-та, кога со неа бил дијагностициран легендарниот американски безбол играч Lou Gehrig (по кого го добила името). Од неа боледува и познатиот теоретски физичар Stephen Hawking. Досега не бил откриен ниеден третман кој правел нешто повеќе од продолжување на животот (кај луѓето) за најмногу еден месец.
Третманот се базира на носење на бакарни честички директно во специфични клетки во митохондриите и во рбетниот столб кои што се ослабени поради дефицит на бакар, што предизвикува дестабилизирање на антиоксидирачкиот протеин наречен SOD. Нормалната функција на SOD протеинот е есенцијална за животот и недостатокот на одредени метали (како бакарот) предизвикуваат негово „прекршување“ при што станува токсичен и ги оштетува моторните неврони.
Иако ова е далеку од конечен лек, сепак претставува огромен чекор напред до доаѓање до него.