Сакале или не, медицината сè уште не открила начин како да ја спречи смртта. Постојат разни претпоставки околу тоа што се случува со нашето тело откако ќе умреме, но вистината е една. Тоа се распаѓа и процесите што следат воопшто не се убави за гледање.
Првите неколку часа
Во првите неколку секунди откако ќе настапи смртта телото останува без кислород и престанува секаква активност. Невроните ја прекинуваат својата работа со што мозокот повеќе не испраќа информации до преостанатите делови од телото. Мускулите се опуштаат и кожата станува сива како резултат на тоа што нема циркулација на крвта. По 12 часа телото го достигнува максимумот во промената на бојата. Овој процес им помага на вештаците да го одредат времето на смртта доколку се прави обдукција. Три до шест часа по смртта, настапува мртовечката вкочанетост како резултат на хемиската промена што се случува во мускулите.
Неколку дена по смртта
Доколку не биде балсамирано, телото полека започнува да се распаѓа. Недостатокот од крв предизвикува зголемување на нивото на CO2, а тој пак ја зголемува pH вредноста на ткивата. Ова ги ослабнува мембраните на клетките и тие започнуваат да се распрснуваат испуштајќи материи кои го забрзуваат распаѓањето. Бактериите во дигестивниот систем на кои не им е потребен кислород започнуваат да се размножуваат и да ги разјадуваат органите. Процесот мириса мошне лошо и предизвикува уште поголемо распаѓање.
Првите неколку недели
Во текот на овој период црвите започнуваат да уништуваат и до 60 проценти од телото. Во рок од 20 до 50 дена по смртта настанува ферментација што привлекува уште повеќе микроорганизми, ларви и фунги. Сувото распаѓање може да трае цела година.
По 1 година и повеќе
Што и да остане од телото е изедено од растенијата и бактериите. Земјата може да го декомпонира секој дел од него, додека не се распадне до молекули кои подоцна ќе бидат рециклирани во природата.