Луѓето, но и животните понекогаш делуваат злобно, па ги вознемируваат другите без никаков мотив или оправдување. Токму затоа истражувачите од универзитетот во Њујорк решија да истражуваат дали е можно да се забележат рани знаци на насилство, малтретирање, па дури и сексуална агресија.
- Нашата студија се сконцентрира на мозочните циклуси кои се од суштинско значење за агресивните мотиви кои се создаваат во моментот кога животните се подготвуваат за напад, вели предводникот на ова истражување, д-р Даи Лин, професор на институтот за неврологија.
Еден дел од мозокот кој се вклучува пред агресивното однесување анатомски е познат како вентролатерален дел од вентромедијалниот хипоталамус. Научниците велат дека ова откритие може да доведе до создавање на лекови кои ќе им помогнат на луѓето да го контролираат насилното однесување. Со цел да го откријат ова, тие направија истражувања врз глувци.
Најпрво тренираа мажјаци да ги напаѓаат послабите глувци и потоа ги набљудуваа со цел да откријат колку агресивно пристапуваат врз послабите глувци. Научниците им всадиле електроди во мозоците на мажјаците, со цел да ја бројат нервната активноста, пред и по напаѓањето.
Открија дека активноста во нервните клетки на вентромедијалниот хипоталамус се зголемува кога посилните глувци ги душкале послабите глувци, при тоа без да ги гледаат. Исто така активноста уште повеќе се зголемувала откако тие ја гледале целта која сакаат да ја нападнат.
Ова откритие укажува на тоа дека овој дел од мозокот навистина игра главна улога во непровоцираното насилно однесување. Коментирајќи го откритието, д-р Лин објаснува дека информациите до кои истражувањето дошло, може да водат до понатамошни истражувања за агресивните импулси.