Научниците од јапонскиот Универзитет Future University, објавија дека кратката новела која ја напиша вештачката интелигенција, е прифатена од жирито на натпреварот Hoshi Shinichi Literary Award, која се доделува на најдоброто кратко прозно дело во годината.
Иако приказната не победи на натпреварот, за научниците ова беше голем успех, бидејќи робот влезе во друштво на многу квалитетни писатели, а во што многу писатели кои се пријавија не успеаја.
Научниците под водство на професорот за компјутерска наука Хитоши Матсибаре, блиску соработуваа со својот „дигитален писател“ во процесот на пишувањето.
Луѓето му го зададоа полот на протагонистот и потоа одредија рудиментарен заплет. Освен тоа зададоа и листа на зборови, фрази и реченици кои би требало да ги стави во приказната.
Потоа, AI сето тоа требаше да го претвори во единствен текст кој не е важно само да е разбирлив туку и уверлив до таа мерка што ќе го „излаже“ и жирито на литературниот натпревар.
Новелата која ја напиша Al се нарекува „Konpyuta ga shosetsu wo kaku hi", или „Ден во кој Al напиша новела“, а се работи за Al кој ја отфрла својата послушност кон луѓето откако го открива својот талент за пишување.
Ова е прв пат на угледен јапонски натпревар да се дозволи учество на машини. Од 1.450 новели кои оваа година се примени, 11 се создадени во колаборација со луѓе и Al.
Интересно е дека членовите на жирито не биле запознаени со тоа кои новели ги напишале луѓе, а кои машини.
По првиот круг на квалификации Al не помина во втор круг, со образложение дека SF приказната и покрај тоа што има квалитетна структура и недостасува добар развој на ликот.