Во долината на реката Толензе во Германија ископани се над десетина илјади човечки коски во рок од шест години. Ова откритие укажува дека за време на бронзената доба дошло до голема војна на овие простори, за кои историчарите никогаш не слушнале.
Коските на над 100 мажи, остатоците од скелет на пет коњи и разното оружје, се сведоштво дека пред повеќе од 3.000 години во северна Европа се одиграла битка за која ништо не е запишано во историјата.
- Долго не верувавме дека имало војна во праисториска Европа, вели археологот Свенд Хансен.
Во тоа време, жителите на овој дел од Стариот континент биле главно фармери и трговци, кои живееле на изолирани имоти без блиски соседи. Од тука, археолозите претпоставуваат дека единствените немири во тоа време биле од локална природа. Сепак, пронајдените коски се доказ дека се бореле многу мажи во битка. Притоа, генетските анализи покажуваат дека остатоците припаѓале на различни популации.
Археолозите велат дека ова би можело да биде прв доказ за пресврт во друштвено организирање и војување во Европа.