Едно ново истражување покажало дека децата чии родители физички ги казнуваат, посклони се на проблеми со менталното здравје и асоцијално однесување во поодмината доба. Когнитивните тешкотии и зголемената агресија, како и другите непосакувани последици забележани се при анализа на резултатите на разни истражувања во последните 50 години.
Научниците од универзитетот во Тексас и Мичиген го употребиле зборот „шлапкање“ за да го означат удирањето на детето по задникот или екстремитетите. Откриле 13 негативни резултати, кои се поврзуваат со таков вид на казнување, а меѓу нив и агресивност, асоцијално однесување, ментални проблеми, негативен однос кон родителите, пониски когнитивни способности и послаба самодоверба.
- Повременото „шлапкање“ на детето е многу распространет облик на казнување, но веќе некое време кружи дебата за неговата ефикасност. Анализите претставени во ова истражување покажуваат дека нема докази дека овој вид на казнување се поврзува со подобрување на однесувањето на детето. Напротив, се поврзува со зголемен ризик од 13 негативни работи, стои во објаснувањето.
Истражувањето спроведено од УНИЦЕФ покажало дека 80% од децата во светот подлегнале на некој вид на удирање како дисциплинска мерка.