Научници од Шпанија успеале да претворат клетки од човечка кожа во микробски клетки, кои понатаму може да се развијат во сперма или јајце клетки користејќи ја процедурата за „ресетирање на гените“. Микробските клетки инаку се ембрионски клетки со потенцијал да се развијат во гамети (специјализирани полови клетки кои се спојуваат во процесот на полово размножување).
Целта на истражувачите била да се креираат гамети кај луѓето кои ги немаат. За тоа да се постигне, тимот додал „коктел од гени“ на кожните клетки, кои се претвориле во микробски после скоро еден месец. Иако овие микробски клетки можат да се развијат во сперма, тие не би имале способност да оплодат јајце бидејќи се потребни уште мутациски фази за да се создадат гамети.
Оваа потреба од понатамошни мутации е само една од пречките со кои што се среќава истражувачкиот тим. Строгите правни регулации врзани со креирање на вештачки ембриони се една од поглавните причини кои го лимитираат истражувањето, што значи дека пред да се направи некој вистински (и траен) напредок, потребно е соочување со уште многу научни и правни проблеми.
Порано годинава, кинески научници успеале од клетки од сперма создадена во лабораториски услови да оплодат јајце клетки од глушец, што резултирало со здрави глувчешки поколенија. Меѓутоа, човечките ембриони се далеку покомплексни, бидејќи не се знае дали децата родени користејќи вештачка сперма или јајце клетки ќе имаат некаква биолошка предност или ограничување.