Истражувачи од Michoacan University of San Nicolás de Hidalgo во Мексико, дизајнирале нов тип на фосфоресцентен цемент кој може да се користи за осветлување на патишта, улички, или згради без користење на електрицитет.
Тимот истражувачи работеле со вообичаените материјали кои се користат за изработка на цемент, на кои што им додале одредени адитиви кои го спречуваат формирањето на кристали (што е нормална појава при производство на цемент), креирајќи материјал кој има не-кристална структура (слична како онаа на стаклото) која дозволува светлината на навлезе внатре во него. Во зависност од пропорцијата на составот на адитивите, се регулира интензитетот и бојата на луминисценцијата.
Фосфоресцентните материјали функционираат на тој начин што ја апсорбираат енергијата од сончевата радијација преку ден, и потоа истата ја емитираат како светлина која може да се забележи штом е мрак.
Тимот тврди дека ваквиот цемент ќе биде способен да апсорбира енергија (дури и кога е облачно) доволна да го осветлува до 12 часа. Потребни се дополнителни истражувања да се испитува неговата стабилност, како и начинот како би се поправал кога ќе се оштети.
Слични продукти веќе се произведени во Холандија, каде постои велосипедска патека направена од фосфоресцентни камења, инспирирана од сликата „Ѕвездена ноќ“ на Ван Гог