Истражувањето објавено во Current Biology покажува дека вежбањето четири часа по учењето може да ви помогне подобро да го запомните наученото. Во истражувањето учествувале 70 личности, кои решавале задача поврзана со локација на фотографија. Задачата траела 40 мин, а потоа испитаниците ги поделиле на групи.
Првата група непосредно по завршувањето на задачата вежбала во траење од 35 минути, втората вежбала по четири часа, додека последната група воопшто не вежбала. По два часа, учесниците се вратиле во истражувачкиот центар, каде што ги испрашувале со цел да се увиди колку научиле.
Резултатите покажале дека личностите кои вежбале четири часа по учењето, имале посилно и појасно сеќавање и дека подобро им се активира регионот во мозокот кој е поврзан со присетувањето.
Со оглед дека бројот на учесници е мал, потребно е да се направат нови истражувања со цел да се потврди ова истражување.