Научниците откриле докази дека озонската дупка над Антарктик конечно почнува да се обновува, и доколку обновувањето продолжи, таа може комплетно да се затвори до 2050-та.
Оваа вест доаѓа скоро 30 години откога човештвото почна да го намалува или комплетно отстранува користењето на хемикалии штетни по озонската обвивка (поточно, од 1987-ма, кога повеќето земји го потпишаа Монтреалскиот протокол кој тие процеси ги направи задолжителни).
Во споредба со нејзината површина во 2000-та година, таа сега е намалена за 4 милиони километри квадратни, што е скоро половина од големината на САД.
Откога научниците во средина на 80-тите прв пат забележале дека таа сè повеќе се зголемува, тие ги мерат нивоата на озон секоја година во октомври, кога на Антарктикот завршува зимскиот период и станува посончев, бидејќи хлорот го нагризува озонот само кога има светлина и ладни ветрови.
Покрај мерењето на нивоата на озон од 2000 до 2015-та, тимот ја мерел и количината на сулфур диоксид испуштан од вулканите, кој дополнително влијае на уништувањето на обвивката.
Ова е само доказ дека доколку светот се сплоти, дел од еколошките проблеми можат да се решат.