К-9 (полициските) кучиња кои се користат за намирисување нелегални супстанци и експлозиви можат наскоро да добијат конкуренција во облик на глувци кои американски научници ги имаат мутирано и им го имаат подобрено сетилото за мирис.
Оваа нова генерација на глодари е генетски модифицирана да препознава одредени мириси – конкретно, мутираните глувци биле експонирани на два познати мириси: хемикалија која има слаткаст мирис сличен на оној на јасмин и на уште еден кој потсеќа на ментол, по што било утврдено дека можеле да намирисаат далеку пониски дози од овие мириси отколку не-мутираните глувци.
Научниците велат дека нареден чекор е ова истражување да се аплицира на детектирање на специфични дроги (на пр. кокаин) или експлозивни материи, што би било постигнато со активирање на конкретен рецептор (кој прво би требало да се пронајде) за одредена хемикалија.
Ваквите глувци би можеле да се користат не само во воената и одбранбена индустрија (за намирисување на TNT), туку и во индустриите за производство на мириси, бидејќи би можеле да се модифицираат со човечки рецептори. Истото важи и за медицинската индустрија, каде глувци со одредени мутации би се користеле за намирисување на човечки болести преку хемиски „потписи“ од крвта или потта.