Следниот месец, кинески истражувачи за првпат ќе преработат човечка ДНК користејќи ја револуционерната CRISPR/Cas-9 метода, со цел да ја елиминираат погрешната ДНК од клетките на пациенти со рак на белите дробови на кои не им помогнале никакви други конвенционални третмани.
Научниците претходно ја користеле методата на неодржливи човечки ембриони, но ова е првпат таа да биде применета за преработување на ДНК на возрасен човек.
Во тестирањата ќе учествуваат пациенти од Sichuan University's West China Hospital на кои хемотерапијата и третманите со зрачење воопшто не им помогнале, и ова им е единствената опција за преживување.
Научниците од нивната крв ќе екстрахираат T-клетки и од нив ќе го избришат генот кој го произведува протеинот наречен PD-1 (кој ги запира Т-клетките да ги убиваат канцерогените клетки), а потоа истите ќе ги мултиплицираат и ќе ги вратат назад во пациентите за да го преплават нивниот имунолошки систем.
Хипотезата е дека тогаш овие T-клетки („прочистени“ од PD-1) ќе можат по природен пат да ги пронајдат и уништат канцерогените клетки во телото.
Иако со CRISPR методата може да се внесе и ново ДНК во геномот на клетките, во ова истражување одредени генетски информации само ќе се бришат, а нема да се додаваат.
Слични истражувања се одобрени и во САД од нивниот национален институт за здравство, со тоа што тие ќе се состојат и од додавање на дополнителен ген кој ќе помага во борбата со три типа на рак: меланом, сарком, и миелом.