Вештачката интелигенција (AI = Artificial Intelligence) прави големи чекори изминативе неколку години, победувајќи ги луѓето во натпревари во разни полиња, па дури почнува и да заменува некои системи вообичаено контролирани од луѓе (како што AI-то Watson на IBM има успешно уредено цело списание, менувајќи ја улогата на уредникот).
Професорот Alexi Samsonovich на конференцијата за биолошки инспирирани когнитивни архитектури (BICA) во New York објави дека Русија е „на работ“ од голема пресвртница во врска со вештачката интелигенција – роботи што можат да чувствуваат човечки емоции. Тој укажал на тоа дека овие машини ќе можат слободно да мислат, да ги чувствуваат и разберат човечките емоции како и наративите и размислувањето во истите и да бидат способни активно самите да се образуваат.
Тој не кажал детали во врска со употребената технологија и како е дојдено до неа, туку напоменал дека пресвртницата ќе биде за неколку години и дека се потребни дополнителни финансиски средства за проектот да се комплетира.
Сепак, професорот не сака јавноста да помисли дека AI-то развива свест – тој верува дека свеста не е исплатлива цел за постигнување во овие машини, бидејќи таа не може да биде потврдена од никого освен од самата себе. Наместо тоа, тој иднината ја гледа во роботи кои имаат различно однесување и интерна организација во споредба со нас луѓето, кои со нив ќе комуницираме како и со живи социјални битија.