Австралиска компанија тврди дека создала еден вид на „временска машина“ која ја блокира активноста на ензимот во авокадото одговорен за негово презревање/расипување/претворање во кафеава смеса.
Машината наречена Natavo Zero може да процесира 4000 авокада во еден час, и да ги чува свежи, исечени или во форма на пире, најмалку 10 дена откога ќе им биде отворена амбалажата.
За да го забави процесот на расипување на авокадото и продукти направени од него, Natavo Zero не користи никакви адитиви (како антиоксиданси и киселини) и конзерванси кои не само што го менуваат вкусот на овошјето, туку и многу малку влијаат да го запрат расипувањето откога ќе биде отворена амбалажата. Наместо тоа, машината користи технологија која го „гаси“ ензимот наречен полифенол оксидаза, со помош на флуктуации генерирани од пареа на притисокот и температурата.
За жал, компанијата ги крие точните детали околу процесот, а за горните тврдења во некои претходни студии биле пронајдени докази кои ги поткрепуваат. Тие велат дека Австралијанците можат да очекуваат продукти од авокадо направени со Natavo Zero подоцна годинава, додека остатокот на светот ќе треба да почека(ме).