Американската агенција за развој на напредна одбрамбена технологија (DARPA) развива програма за создавање на живи, програмабилни згради кои самите ќе можат да се репарираат, наречена ELM (Engineered Living Materials).
Според оваа програма, материјалите како коските, кожата, коралите и кората од дрвјата можат да формираат градежни блокови кои ќе нудат предности пред материјалите за градба кои сега се користат, со тоа што ќе можат да бидат израснати/создадени кога и да е потребно, ќе можат самите да се репарираат и ќе реагираат на промените во нивното опкружување.
Ваков тип на материјали не се сосема нови, но за првпат DARPA планира да ги користи за изградба на згради.
ELM програмата за старт има за цел да создаде хибридни материјали составени од „неживи“ скелети т.е арматури кои ќе служат како основа за живите клетки создадени по пат на инженеринг, додека подоцна би требало да се развијат материјали кои нема да имаат потреба од арматури за да се оформат во посакуваните форми со одредени карактеристики.