Научниците од универзитетот во Сен Ендрус можеби ја решија една од најголемите енигми. Извеле експеримент кој покажал дека кога го имаме чувството познато како дежа ву, нашиот мозок всушност проверува дали неговите сеќавања се точни.
Предводникот на тимот, Акира Оконор со помош на магнетна резонанца ја следел работата на мозокот кај 21 волонтер, кои за време на снимањето подлегнувале на процедура која предизвикува ист ефект како дежа ву, што довело до интересен резултат.
- Фронталните делови на мозокот вршат проверка на сеќавањата и праќаат сигнали во случај да се појави некоја „грешка“. Изгледа дека деловите на мозокот се поврзани со конфликтните сеќавања кои влијаат на јавувањето на дежа ву. Ова ја потврди нашата идеја дека на тој начин се исправува несогласувањето во нашите сеќавања, изјави Акира.
Ако дежа ву е исправување на грешките во нашите сеќавања, тогаш научниците тврдат дека недоживувањето на дежа ву може да биде знак на лошо памтење. Од друга страна, може да биде знак дека луѓето кои не доживуваат дежа ву имаат подобро памтење, бидејќи во системот нема потреба за превенција од грешки.
Дежа ву (Deja Vu) на француски значи „веќе видено“ и означува чувство дека веќе сме доживеале некоја ситуација. Според истражувањата, најчесто младите го доживуваат овој феномен.