Мајмуни на кои што им е имплантирана технологија која овозможува интерфејс помеѓу мозокот и компјутерот успеале да транскрибираат делови од Хамлет и New York Times со брзина од 12 зборови во минута, во студија која може да води до значителни подобрувања на асистивните технологии, т.е уреди кои ги користат лица со посебни потреби или одредени недостатоци.
Истражувањето водено од научници од Stanford University вклучувало имплантирање на мулти-електродна мрежа во мозоците на мајмуните, која што на научниците им овозможувала читање на мозочните сигнали одговорни за движењата на рацете и шаките. Технологијата била дизајнирата да ги интерпретира овие мозочни сигнали во движења на курсорот на екранот, овозможувајќи да се селектираат индивидуални букви преку тастатурата на екранот.
Мајмуните биле тренирани да ги впишуваат буквите кои им биле покажувани, преку транскрипција на текстови со вести од New York Times и прозата на Шекспир.
Поранешни верзии на оваа технологија биле тестирани кај луѓето, меѓутоа најновата верзија тестирана им овозможила на истражувачите да ја измерат потенцијалната брзина на пишување, без човечкиот ум да им пречи со можноста на тест субјектот да му „одлетаат мислите“ за време на експериментот.
Оваа студија е од огромно значење, бидејќи сегашните асистивни технологии од областа на комуникацијата кои се наменети за лицата со хендикеп (како што се следењето на движењата на очите или мускулите) сè уште се соочуваат со разни потешкотии и предизвици, и одземаат многу време.