Со помош на нова технологија произлезена од програмата за трансфер на технологија на NASA, произведен е тип на полимерски завој кој кога е наполнет со електрицитет, го забрзува заздравувањето на човечкото ткиво.
Материјалот е направен од PVDF, односно polyvinylidene fluoride, термопластичен полимер кој може да генерира електрично празнење како одговор на извршен механички стрес врз него. Креаторите Mia Siochi и Lisa Scott Carnell го синтетизирале завојот користејќи процес наречен electrospinning, каде полимерски влакна со нано-дебелина се креирани користејќи електричен набој.
PVDF завоите имаат огромен потенцијал за лечење на луѓето, бидејќи, природно, човечкото тело генерира одредена волтажа низ ткивата која ги „турка нанапред“ клетките кои служат за нивно заздравување, наречени кератиноцити. Инаку, електричното поле на завојот се активира само со температурата на телото.
Ваквите завои во иднина би биле дел од секое домаќинство и би нуделе ефикасен третман за рани, а во најлош случај доколку веднаш се аплицираат на посериозна рана, ќе ги намалат шансите за понатамошна нејзина компликација додека не се изврши интервенција од стручни лица од брза помош или болница.
Понатамошно развивање на материјалот ќе биде од исклучителна корист при ранување на астронаути во вселената, војници на бојно поле, пациенти врз кои се врши операција, и во многу други ситуации.