Поминати се три децении од Чернобилската нуклеарната катастрофа со чии последици локалното население се справува и денес, а околу 2600 квадратни километри околу централата се несоодветни за живеење за луѓето.
По хаваријата, реакторот е покриен со бетонска купола, но со тек на времето се воспоставило дека низ неа протекува радиоактивен материјал и таа може да се сруши, по што започнале планови за конструирање на уште поголем метален саркофаг.
Новиот саркофаг е наречен New Safe Confinement, широк е 257 а висок 105 метри, тежи 36 000 тони (колку 100 џамбо-џетови) и неговата изградба чини 1.6 билиони долари.
Бидејќи на самата локација на хаварисаниот реактор радијацијата е 10 пати поголема отколку онаа на нуклеарната бомба фрлена врз Хирошима, штитот морал да се гради подалеку и сега полека се движи кон стариот саркофаг врз кој што треба да се постави, што се очекува да се случи на 29-ти ноември.
Европската банка за реконструкција и развој, која што е одговорна за овој проект, тврди дека ова е најголемата подвижна земјена структура изградена била кога и е еден од нај амбициозните проекти во историјата на инженерингот.
Новиот штит ќе ја задржува радијацијата најмалку во наредните 100 години, а откога ќе биде поставен врз стариот, бетонски саркофаг, роботските делови инсталирани на кровот ќе почнат да ги растураат најопасните делови од него.