Археолозите пронашле остатоци од антички град во Грција наречен Vlochós, на околу 560km северно од Атина.
2500 години стариот град бил закопан на врв на ридот во централа Грција, и до сега не бил забележан бидејќи се мислело дека тоа се остатоци од малечко село без некое поголемо археолошко значење. Локацијата му е на врвот на 215m високиот рид Strongilovoúni, а откога бил откриен, локацијата веднаш почнале да ја истражуваат тимови од Универзитетот од Гетеборг, Шведскиот институт од Атина, и VLAP (археолошкиот проект Vlochós).
На површината биле откриени докази за постоење на кули, ѕидини и градска порта, а за да гледаат што се крие во длабочините на ридот, тие користеле радарски системи кои навлегувале низ почвата и со кои биле пронајдени докази за постоење на градски плоштад и многу поголема урбана раширеност отколку што претходно се мислело.
Реонот внатре во градските ѕидини имал површина од над 40 хектари, а тимот археолози се надева дека ќе продолжат да го користат радарот за истражување на градот, без да ги откопуваат остатоците со што ќе ја задржат околината недопрена.
Исто така биле пронајдена античка керамика и ковани пари кои можат да помогнат да се процени староста на градот.