Кога нуклеарните централи се во прашање, компанијата NuScale Power смета дека поголемо не е секогаш и подобро. Тие предложиле дизајн за минијатурна верзија на традиционалните централи (минијатурна во однос на нив), која може да се смести на поголем камион.
Концептот на NScale Power е втемелен во модуларен дизајн кој ќе побарува составување на модулите во специјализирани фабрики, пред „централата“ да биде испорачана за напојување. Модулите во себе ќе имаат нуклеарен реактор од 50 мегавати, со ураниумско гориво.
Поради големината, ќе побаруваат многу помалку гориво во споредба со класичните централи, што го минимизира ризикот од масивни хаварии.
Од компанијата велат дека нивниот дизајн е далеку побезбедна и поефтина опција во споредба со постоечките нуклеарни централи – на пример, реакторот во Тенеси од 1150 мегавати чини 4.7 билиони долари за да се изгради, додека модуларниот реактор на NuScale Power od 570 мегавати би чинел помалку од 3 милиони долари.
Ваквите минијатурни нуклеарни централи би можеле да се користат како бекап за воздушните турбини, кои ќе произведуваат алтернативна енергија во деновите кога ќе нема ветер, а исто така би можеле да се користат и за овозможување електрична енергија во воените бази, во случај на пад на електричната мрежа.
Моментално, овој дизајн се испитува дали ги поминува безбедносните стандарди, а тие испитувања можат да траат околу 3 години. Доколку ги помине, компанијата смета дека првата модуларна минијатурна нуклеарна централа ќе профункционира до 2026-та.