За прв пат, истражувачите создале „паметен“ материјал кој го имитира периостеумот, специфичен тип на човечко ткиво, поточно мембрана која ги покрива сите коски, со исклучок на зглобовите, и има одредени специјални карактеристики.
Според тимот од Универзитетот од Нов Јужен Велс во Австралија, процесот кој го користеле е следниот: со користење на специјален систем за 3D приказ, тие ја мапирале архитектурата на ткивото, ги зголемиле клучните компоненти, и изработиле прототипи од новиот „паметен“ материјал.
За создавање на материјалот, била користена комбинација од колаген и еластин – два исклучително важни протеини во биолошкото ткиво. Но, се појавил проблем – влакната добиени на овој начин биле премалечки за да се вклопат во „разбојот“ со кои се правела мрежата. Така, бил искористен еластичен материјал кој го имитирал еластинот, и свила која го имитира колагенот, што резултирало со разни прототипи кои ги реплицирале карактеристиките на периостеумот, поточно неговата издржливост на стрес и затегнатост.
Истражувачите велат дека со оваа техника може да се создадат разни видови на материјали – на пример, еден производител на автомобилски гуми смета дека негова титаниумска верзија може да се искористи за создавање на потенки и поцврсти гуми.
Долгорочниот план/цел е да се креираат лабораториски биолошки ткива со кои би се заменувале и „поравале“ истрошените зглобови, а би ги имале биолошките, архитектуралните и механички карактеристики на периостеумот.
Со ваквиот материјал би можеле да се изработуваат и заштитни одела кои би се зацврснувале при удар, со што би ја заштитувале од повреди личноста која ги носи.