Истражувачи откриле остатоци од гигантска видра во Кина, која доколку би била жива би била со големина на волк. Фосилот припаѓа на нов вид на видра позната како Siamogale melilutra , која живеела во слатководните езера пред околу 6 милиони години.
Докази за гигантски видри биле откриени и порано, но само во форма на неколку расфрлани заби пронајдени во Тајланд. Последново откритие се состои од комплетен череп, долна вилица, заби и други скелетни парчиња, што даваат индикации за масивната големина на овој вид на животни.
Моментално, најголемиот жив вид на видри (кои живеат на реката Амазон) се големи околу 1.8 метри и тежат околу 32kg, додека античката кинеска видра би била дупло поголема од тоа. Истражувачите пресметале дека таа би тежела околу 50kg, што би значело дека е најголем вид кој постоел досега.
Според анализа на вилицата и забите на пронајдениот фосил, било заклучено дека нивната исхрана се состоела од големи школки и мекотелци, чии фосилни остатоци исто биле пронајдени во истиот слој на карпа каде што била пронајден и черепот.
Истражувачите исто така успеале да ја реконструираат околината во која живееле овие видри, опишувајќи ја како „мочуришно и плитко езеро со густа вегетација“ – далеку од шумите во кои живеат модерните големи видри.