Истражувачи од лондонскиот Кралски колеџ користат вештачка интелигенција за попрецизно да ја предвидат староста на осомничените криминалци преку примероци од крв и плунка пронајдени на местата на злосторство.
Во студија објавена во журнал за форензичка наука, тие откриле дека успеале успешно да ја предвидат староста кај донори на примероци со степен на грешка во предвидувањето од 4 години.
Телесните течности се меѓу најважните биолошки докази кои можат да се соберат од местата на злосторството, но досега предвидувањето на староста на криминалците со нив било тешко.
Сега, научниците успеале да идентификуваат 16 клучни биомаркери за стареењето, кои биле тестирани врз јавно достапни податоци од 1156 примероци на крв. Тие исто така пронашле дека техниката функционира добро и кај примероците од луѓе кои имаат одредени болести, освен ако тие болести не се поврзани со крвта.