Фотосинтезата е она што ги одржува билките живи – тие ја користат енергијата од сончевата светлина и ја претвораат во хемиска енергија која ги напојува нивните функции. Овој процес користи и вода и јаглерод диоксид, по што тие испуштаат кислород назад во воздухот.
Кога не сакате некоја билка да продолжи да живее бидејќи е плевел, NatureZap е гаџетот со кој што не само што ќе се ослободите од неа, туку и ќе го уништите нејзиниот извор. Иронијата е што тоа ќе го направите токму со она што инаку и дава живот – светлина.
NatureZap користи измешан спектар од светлина која ги убива корените, нивните круни, и лисјата пред да пораснат во нешто поцврсто, a функционира исклучително едноставно – само треба да го вклучите, да го „светнете“ плевелот и тоа е тоа.
Овој гаџет е одличен доколку не сакате да користите штетни хемикалии кои можат да ги оштетат и околните растенија, покрај плевелот. Иако батеријата му се полни, со едно полнење добивате само 30-40 минути работно време, па за уништување плевел во поголем двор ќе ви отидат неколку часа.
NatureZap чини $200 и е најдобро да се користи превентивно во пролет, кога овие билки уште не се пораснати и кога корените не им се премногу раширени.