Германски научници направиле огромен чекор напред во секвенцирање на ДНК од нашите древни предци, со нова техника која овозможува вадење на ДНК од почва.
Научниците со години знаат дека генетскиот материјал од ентитет во распаѓање – без разлика дали се работи за животно, растение, или човек – се ослободува во околниот седимент и таму може да се задржи долго време, но проблемот е што процесот на негово двоење досега бил исклучително тежок.
Сега, научници водени од Вивијан Слон, научник од Макс Планк институтот за еволутивна антропологија, развиле процес за преземање и секвенцирање на ДНК депозити, и се првите истражувачи кои презеле древна човечка ДНК директно од седимент. За тоа да го направат, креирале молекули кои го таргетираат и екстрахираат ДНК-то од цицачите, поточно митохондриалната ДНК.
Доколку оваа техника за анализирање на ДНК од почва стане вообичаена, постои огромен потенцијал за откривање на сè повеќе докази за постоењето на нашите древни предци, дури и во места каде што не постојат нивни фосили, што ќе биде одлична вест за палеонтолозите и археолозите.
Највозбудлив од сè е фактот што можноста да се превзема ДНК без присуство на коски ќе додаде многу нови гранки во фамилијарното дрво на човештвото, давајќи им на истражувачите увид во почетокот на постоењето на луѓето за кои сè уште немаме пронајдено скелетни докази.