Стартап компанија базирана во Лондон креирала комплетно природно пакување за вода кое може да се јаде.
Изумот е наречен “Ooho!” и воопшто не изгледа како стандардно шише за вода, туку има облик на малечок меур како од желе.
Од компанијата тврдат дека Ooho! е безбеден за јадење бидејќи е изработен од екстракт од алги и во сегашната варијанта нема вкус иако дополнително може да му се додадат разни вкусови.
Мембраната која може целата да се проголта е формирана со потопување на блок од лед во мешавина од калциум хлорид и кафена алга. Откога ќе се формира, тој лесно се лупи и потоа од него се изработуваат топчињата кои се полни со вода.
Доколку не сакате да ги јадете, може во нив да направите дупче па од него да ја пиете водата, а може да се складираат и разни други пијалаци.
Креаторите го опишуваат овој нивни продукт како „перфектен за хидратација во движење“, особено прикладен за маратоните и големите фестивали. Тие се надеваат дека со Ooho! Ќе го елиминираат отпадот од билионите пластични шишиња кои се фрлаат секоја година.