Супер вулканот во Италија познат како Кампи Флегреи е потенцијално на работ на ерупција, а со нова студија е заклучено дека тој е поблиску до неа отколку што се сметало според претходните истражувања.
Како што тимовите од UCL (Универзитетскиот колеџ во Лондон) и Опсерваторијата Везув објаснуваат, 13 километри широкиот кратер предизвикува татнежи скоро 70 години, а се чини дека поминува низ периоди на инфлација и дефлација, што претставува огромен стрес за кората која ја држи заробена подземната магма.
Претходно се сметало дека енергијата која се користи за растегнување на кората била изгубена во периодот на дефлација, но според најновите компјутерски модели, тоа не е точно – таа само се акумулирала со тек на време, без да се дисперзира.
Со студирање на распукувањето на земјата околу Ками Флегреи, истражувачите сметаат дека тој се доближува до критична фаза каде некоја идна активност значително ќе ја зголеми можноста за ерупција, и дека е императив властите да бидат спремни на ова.
Претходната негова голема ерупција во 1538-ма год. била минорна во споредба со онаа со која што тој се формирал пред 40 000 години, која била една од најмоќните ерупции во последните неколку милиони години. Таа произвела помеѓу 100 и 500 кубни километри вулкански отпад, од кој дел завршил на Гренланд.
Околу кратерот живеат скоро 1 милион луѓе, а во опасната зона се 6 милиони.