Интернационален тим научници од Карнеги институтот за наука и Јаншан Универзитетот развиле неверојатна нова форма на јаглерод која е екстремно лесна, ултра-силна, еластична, па дури функционира и како електричен проводник.
Јаглеродот е уникатен во смисла на тоа дека неговата електронска конфигурација му овозможува самиот да се сврзува на различни начини, што значи дека може да има различни форми.
Научниците го креирале овој нов вид на јаглерод преку интересна метода – изложувајќи стаклест јаглерод на притисок за 250 000 пати поголем од атмосферскиот. По загревање на температура од 982.2°C , истражувачите ја откриле новата форма.
Што може да се направи со материјал кој е сличен на гума, истовремено и екстремно цврст, кондуктивен, и исклучително лесен? Ваквиот јаглерод би можел да се користи за технологии како воени возила и оклопи, а со него драматично би се подобриле воените егзоскелети. Тој исто така би бил корисен за разни структури но и за електрична спроводливост во вселенски бродови кои би се движеле кон Марс или било каде во Сончевиот систем, бидејќи нема дополнително да го оптоварува леталото со тежина.