За првпат досега, физичари успеале да создадат „течна светлина“ на собна температура, правејќи ја оваа чудна форма на материјата подостапна од било кога.
Оваа материја е истовремено и супертечност (која има нула триење и вискозитет), и еден вид на Бозе-Ајнштајнов кондензат – кој некогаш се опишува како 5-та состојба на материјата – кој овозможува светлината да се движи околу објектите и рабовите.
Обичната светлина се однесува како бран, а понекогаш и како честичка, секогаш патувајќи во права линија. Но, под екстремни услови, светлината може да се однесува како течност и да се движи околу објектите.
Бозе-Ајнштајновите кондензати се интересни за физичарите бидејќи во оваа состојба, физичките правила преминуваат од класични до оние од квантната физика, и материјата почнува да добива карактеристики на бран. Овој вид на кондензати се формираат на температури блиски до апсолутната нула и постојан само неколку фракции од секунда.
Сега, научници од CNR NANOTEC институтот за нанотехнологија во Италија успеале да создадат Бозе-Ајнштајнов кондензат на собна температура, користејќи честички од материја од светлина наречени поларитони.
За да тоа им успее, научниците ставиле „во сендвич“ 130 нанометри дебел слој од органски молекули помеѓу две ултра рефлектирачки огледала, врз кој било „пукано“ со ласерски пулс од 35 фемтосекунди ( 1 фемтосекунда = 1 квадрилионити дел од секунда).
На овој начин се комбинираат карактеристиките на фотоните како што се нивната малечка ефективна маса и големата брзина, со силните интеракции на електроните внатре во молекулите.
Резултатот била “супер течност“ со чудни карактеристики.
При нормални услови, кога течноста се движи, креира бранови и вртлози. Кај супертечноста оваа турбуленција е потисната кога таа се движи околу пречки, предизвикувајќи нејзиното движење да продолжи непроменето.
Истражувачите велат дека овие резултат го поплочуваат патот не само за нови студии од квантната хидродинамика, туку и за поларитонски уреди кои функционираат на собна температура кои ќе ја унапредат технологијата, како што би била продукцијата на супер-кондуктивни материјали за уреди како LED-ови, соларни панели и ласери.