Торинското платно, кое се чува во катедралата на Свети Јован Крстител, во Торино, со години е предмет на научна дискусија поради тоа што се верува дека тоа е материјалот во кој што било обвиткано телото на Исус за време на неговиот погреб.
За многумина лененото платно со слика на човек кој наводно е Исус Христос, е лажно, а лицето на човекот е намерно било нацртано во средновековните времиња од страна на вешти фалсификатори.
Сега, група на експерти тврдат дека крвта на платното е од човек, кој дефинитивно поминал низ некаква тортура.
Елвио Карлино, истражувач од Институтот за кристалографија во Бари, Италија вели дека честичките откриваат „големо страдање“ на жртвата која бил завиткана во платното. На истото е најдена крв богата со високи нивоа на креатинин и феритин, кои инаку може да се најдат во крвта на пациенти кои поминале низ насилна траума и тортура. Овие наоди се овозможени благодарение на методите неодамна развиени во областа на електронската микроскопија.
Иако крвта не го потврдува постоењето на Исус, потврдува дека лицето што е на платното не било исцртано отпосле.