Диносаурусите кои живееле на Земјата пред 66 милиони години можеби засекогаш ги нема, но билките од тоа време се уште со нас, како што покажува едно ново откритие во САД.
Научници за прв пат наишле на преисториската билка наречена Lychnothamnus barbatus во Северна Америка, иако претходно неколку пати била забележана во изолирани купчиња во Европа и Австралија.
Големата зелена алга претставувала храна и живеалиште за рибите и останатите водни животни, и опстојува на планетава веќе десетици милиони години.
Алгата била откриена во 16 езера низ Висконсин и Минесота помеѓу 2012 и 2016 и иако научниците уште веднаш препознале дека откриле нешто невообичаено, морале да екстрахираат ДНК од неа за да потврдат дека се работи за преисториската билка.
Пред ова откритие, единствените документирани вакви билки надвор од Европа и Австралазија биле откриени во Аргентина, во фосили од Креда ерата – истиот период од кој што потекнувале фосилите на Т-Rex-от.
Откритието на Lychnothamnus barbatus е уште едно потсетување на издржливоста на некои врсти на билки кои преживеале низ милениумите, и потсетник да се држи отворен ум за тоа кои сè други билки (па дури и оние за кои се смета дека се одамна исчезнати) можеби се кријат под водените површини на планетата.