Археолози откриле 3 нови Египетски гробници кои се стари над 2000 години.
Ова ново откритие ќе им овозможи достапност на експертите до нови артефакти вклучувајќи коски, фрагменти од глинени објекти, па дури и неколку саркофази во разни големини кои ќе откријат повеќе детали во врска со тоа како тогашните луѓе живееле и умреле.
Анализата на глинените фрагменти покажува дека овие гробници постојат од пред неколку векови, помеѓу 27-мата Династија (525 до 404 п.н.е) и Греко-Римската ера (332 п.н.е до 395 н.е)
Откопувањата се вршат на локацијата Ал-Камин Ал Сарави близу до градот Самалут, на 200км од Каиро, а започнати се уште во 2015-та.
Интересно е дека новите гробници не се како другите 20 откриени на истата локација, кои сите биле во ист стил на катакомби кој бил распространет за времето на 27-мата Династија.
Досега се откриени 6 саркофази, дрвен ковчег и 15 дупки за гробови.
Коските пронајдени во 3-те гробници се чини дека се од мажи, жени и деца со различна возраст, што сугерира дека овие локации биле дел од поголеми јавни гробишта, отколку од воени гарнизони.
Иако не се работи за премногу спектакуларно откритие во скорешната Египетска историја, сепак покажува колку старите Египќани се грижеле за погребните обичаи, со гробници и саркофази кои траат илјадници години.
Во мај, истиот археолошки тим открил 17 мумии во пустинските катакомби во близина на сегашната локација, каде биле откриени и саркофаг и два листа папирус.