Сите некогаш сме се запрашале колку долго би сакале да живееме. Животот во цутот на младоста е навистина извонреден, но што кога настапува возраста проследена со константни болки во грбот, еректилна дисфункција и губење на меморијата?
Дали тогаш би размислувале за вечен живот и пронаоѓање на еликсир за истиот?
Професорот Џон Ајнмал и неговите колеги од одделот за Економетрија на Универзитетот Тилбург сметаат дека оваа тема нема да нè држи во неизвесност уште долго.
Според нивното истражување кое било спроведено на 75.000 луѓе кои починале во изминатите 30 години, е извршена проценка дека животниот век на жените може да достигне до 115,7 години, додека на мажите 114,1 години.
Како демографите, така и биолозите сметаат дека нема потреба да мислиме дека наскоро животната граница би се зголемила, бидејќи според податоците на долгогодишниот истражувач на оваа тема, Јин Виџг, тоа веќе било постигнато во 90-тите.
Сепак податоците на Виџг се покажале како неточни од Индонезиецот Мбах Гото, кој починал минатата година наводно на 146 годишна возраст.
Мбах приложил целосна документација која покажува дека е роден на 31 јануари 1870 година, што го прави најстар човек на светот. Индонезиските власти потврдиле дека документите се легитимни иако Индонезија започнала со евидентирање на раѓањата од 1900 година. Ова значи дека Мбах можеби не бил роден во 1870-та, што би значело дека просечниот животен век сепак се движи во рамките на границата што била утврдена во истражувањето на Џон Ајнмал.